( بالعاميه المصريه)
المستحيل
***
كلمه وكتير بيقولوها من البشر
هي كلمه مستحيل
يا رفاقي عرفوني....
هو أيه المستحيل
هو صحرا والا خوف
والا ضلمه وسط ليل
يا أحلي صحبه في حياتي
اسمعوا صراخي ليلاتي
المستحيل يلغي الحياه
كنت برسم بسمتي فوق الدموع
كانت الآه ....
بتحبسها الضلوع
وف يوم ما قلتش مستحيل
وكان سؤالكم ليا دايما.....
ينفع في يوم الشمس تغرب مرتين ؟؟
واجابتي كانت في كلمتين
هي قبل شروقها كانت في غروب
والمستحيل يتلغي بعد الاصيل
لأن بعده الشمس ترجع للغروب
يبقي فين المستحيل ؟؟
والا ليه نقول مستحيل؟؟
لكن .....
لكن اللي دق الحب بابه
ومسألش مين
خاصم فؤاده
وبهجره يتحدي السنين
المستحيل قلبه يكون عايش سليم
وهي دي أصل الحكايه
هو ده المستحيل .
على درويش
مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.