(زجال)
زجال جايي أطرب بصوتي الجميع
وحطم بشعري حصن هالسد المنيع
وكل مابقول الآوف بيحن القصب
بينام ع صوتي أنا الطفل الرضيع
الحاضر ألي ومستقبلي زهر الربيع
وعالق بذهني رقة الماضي البديع
فيروز شمس الدين شريان وعصب
الزغلول موسى زغيب والصافي وديع
شاعر أنا بقول الزجل حر وفظيع
لحروف شعري كل شاعر رح يطيع
بعرج بحرفي ع ربا السهل الخصب
بخلي فطاحلت الشعر شعري تزيع
بتسمى حروفي بمستواكم هالرفيع
بحفظ هواكم ضمن صدري هالوسيع
بسكب خموري بالقدح وبصب
وبدغدغ النسمات بخطابي السجيع
شاري أنا قرب الغوالي مابيع
وبلهفة الولهان لحروفن سميع
ع بعدهم قلبي وشرياني وصب
برجوعهم بيحل عالأرض الربيع
بكره الساقط ب فعالو والوضيع
وبحب كل شاعر بالفكرة ضليع
وبفرض وجودي انا بكل محفل غصب
وبكون ع المنبر باقوالي نجيع
بتشهد الي الشعار بالرد السريع
ببحور شعري بضيعك لا مابضيع
بصلي شباكي وبزرع بدربك نصب
وبوقعك بشراك شبكي يا وضيع
عادروب وعرة بسيرك متل القطيع
بتموت إذا مابسامحك موتة شنيع
وبيصيبك من برود أطباعي الحصب
وأزهار روضك بضربا متل الصقيع
بقلمي
عادل شاهين حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.