فاضل إيه
كلمات أيمن البكرى
بقينا سلعه وتجاره
فيها مكسب وفيها خساره
والكدب والغش والخداع والخيانه
بقت حداقه وشطاره
بقينا بنشوف فى زمانا عجايب
والعيبه بتطلع من الشايب
وممكن أخ يقتل أخوه
علشان بس علشان بس سيجاره
فاضل إيه علشان تقوم القيامه
شاب بيدبح بنت
قدام الناس ف الشارع
وواحد تانى بيغنى
وبيرقص ف الجامع
وواحده إتنين خطفوها
هددوها وإغتصبوها
بتصرخ ومحدش سامع
فاضل إيه علشان تقوم القيامه
ناس بتخطف أطفال
وبتبيع فى أعضائهم
وناس بتضحك على ناس
وبتأجر فى أوجاعهم
وشباب ضلوا طريقهم
مين إل هيرجعهم
فاضل إيه علشان تقوم القيامه
وتلاقي في الإسواق
ناس معدومه من الإخلاق
بيخوضوا فى الإعراض
وفتنه تهد بلاد
ناس بتسعى فى الشر
غاويه تقطع الإرزاق
فاضل إيه علشان تقوم القيامه
بنت قتلت نفسها
علشان هددها وإبتزها
شاب تافه ميساويش
وبنت بتبيع جسمها
إتخلى عنها إل منها
وغصب عنها علشان تقدر تعيش
وبنات ماشيه فى الشارع
لابسه بس عريانه
وشباب مببدخلوش جامع
وشياطين ساكنه جوانا
وناس علشان لقمة عيش
بتحس بذل وإهانه
إمتى هنرجع لله
نستغفروا ونبقى معاه
نرفع إيدينا بدعاه
سامحنا يارب
الدنيا كانت لاهيانا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.