🤔🤔
كيف الصبر.....
كيف الصبر؟؟
و القلب عم يولع جمر
مرِّت قبالي و شفتها
شو سكرت من نسمة عطر.....
متل الشمس بشروقها
و بغروبها متل البدر
تفاح ساكن خدها
و نمشة زغيرة حدها
و من فوقهن سكبة زهر
و رموش تدبح بالغمز
بعيونها فيضة سحر
و سيوف فوق عيونها
شو مدللة،، شو مكحلة
من كحلها داب الحبر
و شفافها قصة غزل
مرجان عابق لونها
رسمات من موج البحر
عَضِت علىٰ شفاتها،،،،،
هيِْ رزالة؟؟ أو خجل
من تمّها نَقَط قَطر
و بجيدها...كرم استوىٰ
جن الهوىٰ و طاب الهوىٰ
عنقود طيِّب للعصر
عم احلم و حلمي عَصَف
مصبوب بِ كاسة خمر
عَ صدرها تاه النظر
و الفكر شارد ياااا بشر
مدري رطب مدري تمر
من قَد مياس و شَقي
و الشيب غازي مفرقي
دخلك اسعفني يا شعر
من حيرتي.. تاه الحرف
تا ارسما بأجمل وصف
فصفصت شي كيلو بذر
و القلب عم يولع جمر
كيف الصبر......
🤔🤔 بقلمي.. عمَّار يزبك،،،،،،
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.