🎈🎈🎈🎈🎈🎈🎈 بلالين 🎈🎈🎈🎈🎈🎈🎈
انفخ همومك . في الهوى . وطَيّر
معقول ياعمري . رجعت تتغير
مستني تفرح ؟ حتى الفرح . زيّر
اصل القلوب . موجوعة وتحير
دا الضهر محني . والوش مِتْجَيّر
يعني اللي باقي . من عمرنا قصير
انفخ همومك . في الهوى . وطَيّر
خد مني وردة 🌹وافرح بقى نَوّر
امسح دموعك . وتعالى نتصور
عيش اللي باقي . وف سعدها فكر
انسى إللي راح . وبلاش بقى تدور
ياخي الحياه . من الجري ٠ بتعور
أنفخ همومك . في الهوى . وطَيّر
🎈🎈🎈🎈🎈🎈🎈🌹🎈🎈🎈🎈🎈🎈🎈
شادوليات
شاذلي محمد عبدالرحمن حسين .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.