بتتهمني بالخيانه؟؟خيري حسني
قصيدة بعنوان
(بتتهمني بالخيانه؟؟)
بتتهمني بالخيانه.
أنا بتتهمني بالخيانه.
أنا طول حياتي عمري
ما فكرت مرة بإن ليكي.
أخون...........
وأخدت عهد مع نفسي.
موثقه مع ربي بإن ليكي.
أصون..........
ليه كل ما تشوفيني أضحك
مع واحدة أبقى رجل خاين.
وإني رجل مهووس بالحريم.
أو بحبهم مجنون.......
يبقى لا كنت حبيتك ولا وجعت
قلبي ولا كنت أعطيتك عمري
في محبتك عربون.......
طول عمري شايلك في نن عيني.
ومتحملك مرة أقول عقلت
وألف مرة تقضيهالي ظنون........
مرة أقول على قلبي هانت
وألف مرة
على روحي ماتهون.
ياسمرة يا أجمل ماعندي
لا في يوم قولت
عيونك خضر
ولا شعرك سلاسل دهب.
ولا عودك غاية في القوام.
ولا شوفت من الحسن العجب
القصد من الكلام.
الجمال عندي طيبه وحنان
وروح تنعش فؤاد بيتوجع.
تشفي آلام مخزون.......
بتحرك بفن مشاعر وأحاسيس
جواي وبلطف وبنوع
من الفهلوه والحداقه وبذكاء.
المرأه الجميله بكام ضحكه
وكام غنجه
ودلع تدوب هموم مدفون.......
أنا قلبي مش للبيع
ولا لعبه ولا لغيرك
قطعة شطرنج
بتحركه مرة تقول كش .
ومرة تقول مات
مرة تقول خد ومرة
تقول هات مرة تقول
روح ومرة تقول بات
أنا عمري ما كنت كوره في
إيدينا ستات
أنا عملة من نوع دهب.
راجل ولي كلمتي وعهدي
ندرته ليكي بإني أكون.
مهما يكون ما يكون
بتتهمني بالخيانه.
وأنا عمري ليها
ما أخون....
29/10/2022
(ترنيمات وخواطر.بقلم.........)
(شاعر العاميه/خيرى حسنى)
تعليقات
إرسال تعليق