دنيا...شاذلي محمد عبدالرحمن حسين .
. دنيا
يا دنيا مالك بينا . شادة علينا الحيل
كل الألم في عينينا . شايفين نهارك ليل
معقول بتلعبي بينا . بتنادي ع اللي يشيل
مكسورة حتى أيدينا . والحمل دمه تقيل
واللي يقع منينا . بتطبلي تطبيل
هو انتِ نظرك لينا . شايفانا عندنا ديل
نصرخ بأعلى ما فينا . والااااه وجعها طويل
دمعة وآنينها كاوينا . ولا حتى ليه تبديل
دايرين على رجلينا . ماشين في أرض السيل
خايفين في لحظة يجينا . و ندوق معاه الويل
ممكن تحني علينا . تشفينا من دا عليل
وتنورى ليالينا . لو حتى بالقناديل
إنسي الدلال وخودينا . نفرح بكل جميل
ويا دنيا مالك بينا . شادة علينا الحيل
٠٠٠٠٠٠
شادوليات
كلام من القلب
شاذلي محمد عبدالرحمن حسين .
تعليقات
إرسال تعليق