أجمل ورده
كلمات ....... أيمن البكري
لا والله مهانتشي
ولا عمرها هتهون
لا والله مخانتشي
داه انا إل كنت بخون
وياما وقفت جانبي كتير قوى
وهي فيها نار قايده
وجراح زايده
ميئستش مني فى يوم
ولا قالت مفيش فايده
وكانت دايماً بتعذرني
وتقول يمكن يكون مظلوم
ما بيني وبينك ورده
وإنت أجمل ورده
وجأي وجايبلك ورده
وأوعدك هتغير من النهارده
يا أحن وأحلى
بنت في كل الكون
سامحيني لو كنت غلطت
أو في يوم قصرت
وغصب عني كسرت
فرحه كنتِ عايشاها
نفسى أشوف الناس
زي ما إنت شايفاها
إزاي قادره تسامحي
وأنا جارحك بتداوي جرحي
بتشوفي الدنيا ب أي عيون
دورت عليكِ كتير
ورسمت في عقلي ملامحك
حلمت بحد يشبهني
طيب وقلبه كبير
لو غلطت غصب عني
يقولي أنا مسامحك
ولقيتك إنت اه أكتر
من إل أنا إتوقعته
قادره تدي وتضحي
لحد حتي لو كان جارحك
إنت البنت
إل أنا طول عمرى بدور عليها
ما بين شفايفي وشفايفك
ورده نفسي أرويها
أكيد هتكون كتير حلوه
وهدوق طعم العسل فيها
عمرى ما قابلت فى طيبتك
نفسي تقوليها أنا حبيبتك
يا قمر نور كل حياتي
وسحرت قلبي بعنيها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.