بتقولي بكرا
ما تيجي نسيب
بكرا في حاله
ونعيش النهارده
حد ضامن يجي بكرا
بترسم لبكرا أحلام
وردية وجميلة
وتضيع بايدك النهارده
تعال نعيش كل ثانية
حلوة كانت أو مرة
متقولش تاني بكرا
خدني في حضنك
وضمني لا يجي بكرا
تدور علي بس
مش هتلاقيني
ويجي بكرا
وانا اللي هكون
غائبة ومش موجودة
وتنقلب صورة
الحلم الوردي
لصورة بشريطة سودة
خدني بحبك لدنيا جنة
خليني أشبع من حنانك
خليني أسمع صدى كلامك
خليني أحب وجودي معاك
مش عايزة أسمع
سيرة بكرا
النهارده هو اللي لينا
تعال نزينه بلحظات سعادة
نسرقها منه ونعيش بفرحة
ولو جه علينا بكرا
هتكون لينا أجمل ذكرة
وذكرى على ذكرى
تكون عمر من السعادة
هو يعني ماله النهارده
دائما ناسيه وتفتكر بكرا
ماتقولش لي تاني بكرا
بقلم حنان حلمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.