الأمانة بقلم/ ربيع السيد
(((((( الأمانة ))))))
بقلمى/ ربيع السيد
....................... ڜ
هِيا إيه معنى الأمانة
هِيا مبدأ .. وإستقامة
ولا كلمه .. والسلامة
هِيا حق يعود لصاحبه
ولا غدر .. او خيانة
هِيا إيه معنى الأمانة
.........................
الأمانة إيه يا صاحبة
الأمانة إنك تصونى
ولا معناها .. تخونى
الأمانة ... تأديهالى
وتبقى عند حُسن ظنى
ولا راح تنكرها منى
وتضيع عليا حقى
الأمانة إيه يا صاحبى
..........................
الأمانة غدر وخيانة
ولا إخلاص وإستقامة
الأمانة يعنى حقوقنا
تبقى محفوظة ومتصانة
ولا تبقى ضياع حقوقنا
ولا إيه بس العبارة
هِيا إيه معنى الأمانة
..........................
الأمانة مش كلمه نقولها
أو شعارات بنرددها
دى الأمانة صعبة جداً
ويا بخته اللى يعرف يصونها
دى الأمانة مش كلمه نقولها
...............................
الأمانة .. إستقامة
عزة وإخلاص وكرامة
واللى ما بيعرف يصونها
أخرته هم .. وندامة
والأمانة لو ضاعت منا
قول على الدنيا السلامة
هِيا إيه معنى الأمانة
هِيا إيه ... معنى الأمانة
..................................
كلمات / ربيع السيد دسوقى
..................................
تعليقات
إرسال تعليق