أنا مسافر
كلمات الشاعر محمد عبد العزيز رمضان
أنا مسافر ومش راجع
بقولك روحي وانسيني
ومش هندم على هجرك
دا ياما كتير هجرتيني
وقولتيلي أنا حبك
وضاع الحب يا عيني
فضلت اصبر واتحمل
برغم الصبر تكويني
وترضي بظلمي وهواني
في أحزاني بترميني
وكانت كلمة من قلبك
لو اتقالت هتكفيني
قسيتي بخلتي بكلامك
وكام مرة قتلتيني
عرفت بإني مش حبك
ومش هقبل تحبيني
لأني كرهت أعذارك
وهنت عليكِ بعتيني
ومن نفسي ومن روحي
ومن عقلي سرقتيني
أنا مسافر ومش راجع
وهتغلب على الأوهام
ومش هفضل أسير حبك
خلاص أنا فقت م الأحلام
وَمهما تقولي أو تبكي
مافيش بينا حبيبي كلام
ومش هندم على بعدكِ
ولا هقبل بأى ملام
دي قصة رواية مقلوبه
صحيت منها لقيتها منام
ومش هرجع خلاص توبة
ومش هرمي عليها سلام
تعبت يا قلبي إني أفضل
أعيد تاني رجوع وخصام
وبكرا الجرح يتْداوى
وهتعلم مع الأيام
بإن الحب مش كلمة
َولا ضحكة وشوق وغرام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.