الغربة بقلم : عفاف محمد عبد الصادق
قصيدة : بعنوان الغربة
بقلم : عفاف محمد عبد الصادق
شايل الهم ومسافر
والدمع على خدك سال
وتقول ف الدنيا راح اعافر
و اغزل من الصبر حبال
وجواك خوف م الغربة
طب ماأ نت ف بلدك متغرب
وحضورك زى غياب
ف الغربة راحة نفس
مع شوية حنين
ف الوطن وجع وقلب
حزين و برضه متغربين
مش كل اللى سافر هجر
ولا كل اللى معاك احباب
فى غربة جوة الوطن
وفى وطن مع الاغراب
فى مركب ف حضن البحر
تائهة عن الشطآن
والزهرة ف قلب الصخر
لا جرحها يوم ولا خان
والكلمة ف حكاية تشدك
و ف رسالة تهد كيان
فما تفرحش ماتفرحش
باللمة وتصدق دا الدنيا
كتير لامة من البشر الوان
تعليقات
إرسال تعليق