الحلوة اسمها مريام
بقلم ماجدة البهيدي
============
يا سلام يا سلام يا سلام
دي الحلوة اسمها مريام
شغلت قلبي وشبكتني
وبعدها مش عارفة انام
البنت دي مش معقولة
يا خواتي عليها عسولة
كل اللي يقرب منها
بيقول والله دي مهولة
خطفت قلبي بضحكتها
ده مفيش حد ف شقوتها
بنتي وصحبتي وحبيبتي
عقبال ما اشوفها ف بيتها
يا سلام يا سلام يا سلام
دي الحلوة اسمها مريام
شغلت قلبي وشبكتني
وبعدها مش عارفة انام
اسم الله عليها كتكوتة
في رقتها ولا البسكوتة
عسل ابيض وعليه شيكولاتة
يا ختي كميلة وقطقوطة
سكوت مش عايزة كلام
الليلة ده عيد مريام
يالا نغني ونرقص لها
وسمعني احلا سلام
يا سلام يا سلام يا سلام
دي الحلوة اسمها مريام
شغلت قلبي وشبكتني
بعدها مش عارفة انام
بقلمي 27/2/2023
:
#ماجدة_البهيدى
:
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.