في عيد الأم
في عيد الحب ومن قلبي
وعيدك عيدي يا ست الكل
ياكل امالي و عمر حياتي
يا كل حناني
ياأمي واختي وبنتي لحضن الحب
وبشعر بيك وانا ف حضنك
واعيش ليك ليالي العمر
ليالي الحب ف دفىء حياتي
ولولاك ما عشت العمر
عطاءك نهر
وقلبك صافي بروح عالية
ملاها ربي بكل الحب
يابسمة جميلة على خدودك
سقت روحي حياة عمري بكل الحب
ومن روحك ومن دمك خلقني الرب
صنعتي كياني بروح عالية
صنعت رجال
رعيتي عمري بكل امان
أمال صابرة على الأقدار
وتضحية صنعت رجال أوطان
يحموهامن الأعداء والأشرار
صنعتي طبيب ومهندس ومدرس للاجيال
عشان الخير يعم الكل
وطول عمرك حماية لينا من الأزمان
ياأخت حبيبة وخايفةعليا من الأحزان
تغطيني في ليل البرد
وتسقيني واناعطشان
وهمسي و شجني مع نبضك
وحبي وفرحي وحزني كمان
ابوح لك بكل أمالي وألامي
وعشقي وحبي للأيام
ويوم قلبي نبض ليك في يوم حب
وشوفت عيونك بتحضني
و كان املي يعيش قلبي طول العمر
ابوح ليك بقلمي ونبضي
واكتب لك قصايد حب
ببسمة عين من القلب
وارسم ودي على خدك
بوردة جميلة بلون خدك
واشوف بسمة بعيونك بتسعدني
ماهو الحب غزل وحنان والحان
ومن قلبي اقول ليك
أحلى كلام ياست الكل
واعيش ليك اماني العمر
مع الأحلام
واضحي بعمري واعيش ليك
عشان نبني عش الحب
حبيبة قلبي ياست الكل
يا بنتي وفرحي وكل حناني
اعيش لك طول العمر
اربيكي وأكبر فيكي
وفرحك يسعدني
وابني ليك أچمل عش
على القمر ف ليلة حب
وأقول ياعمر
هات عمر على عمري
لأغلى حب ياست الكل
كلمات الشاعر: مصطفى محمد عطيه
مصر
مدينة طنطا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.