((ياعم ياعطار))
ق/
نور الدين محمد
ياعم ياعطار
ألاقي مكانك فين
نفسي فى تقاوي الصبر
أزرع بيها فدادين
فدان يداوي علتي
م الأهل وأفعالهم
تشرب مرار حقدهم
لو زدت فى وصالهم
وبيع الوداد صنعهم
ودا دوام حالهم
فدان تقاوي
يمكن يداوي
يقولوا كلمة حق
لو حد سألهم
وازرع كمان فدان
لأصحابي والخلان
يداوي جراح خزلان
جراح بتنزف ألم
وغدر وخيانة
العيب بقى فى بذرهم
ولا فى ماء ريهم
ولا بنزرع حب
فى تربة مرضانة
وازرع كمان فدادييييين
تصبرني على المحبوب
صبري نفد مني
مرة أقول مكتوب
ومرة ماشغلني
أقبل أبات مغلوب
ولا قلبي يوم يهني
ونفسي فى حب يدوم
وقلب متهني
أمانة ياعطار
بيعلي ماتخزلني
كل البشر حواديت
وسراب بيوهمني
سني كبر وسطهم
وزماني علمني
كل البشر خوازيق
إلا ابويا وأمي
ياعم ياعطار
أمانة ماتخزلني
قلم
نور الدين محمد
٢٧/٥/٢٠٢٣
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.