زمان الوفا..شعر عادل شاهين حسن
ياحزن الما قدرت براح ظلو
بوفائك ماشفت بالكون كلو
ياساكن نبص قلبي وبكياني
غيرك مابقيلي الكل فلوا
ياأبن الأصل ياحزن اعتراني
وفائك بالعمر ماقدرت ملو
يلي اتقبل عيوبي وحواني
مابقبل تسكن الفرحة محلو
ياحزن الجسدت كل المعاني
حزن يعقوب ليوسف أنا بجلو
ال كان ألهم ضمن قلبي مكانة
تاهوا عن طريق الهدى ضلوا
استغلوا هالقلب خانوا الأمانة
وبقطع العهد والميثاق خلوا
الوهبتو الروح بالأربع قراني
هدر دمي النقي والعصب شلو
بنار الهجر والفرقة كواني
بعد ماعرش قلبي استحلوا
ضاع العمر معهم بالتفاني
عليي قليلين الأصل ولوا
زمان الوفا وينك يازماني
أهل الوفا ب الزمن قلوا
بقلمي
عادل شاهين حسن
تعليقات
إرسال تعليق