مكسور خاطري
كلمات / أيمن البكري
عارف لما تبقى حاسس
إن كل الدنيا ضدك
ومن العالم كله خايف
وعايش فيها لوحدك
وأقرب ناس ليك
داسوا بقسوة عليك
وكل إل أمنتهم
باعوك وخلفوا وعدك
كل ما الدنيا بتيجي عليا
بقول نصيبي وقدري
مكتوب علينا الدموع يا عنيا
ياحزن عشش جوايا
ويا فرحة ابعدي هاجري
الدنيا ما بقتش ليه دنيا
والناس ما بقتش ليه
وطول عمري وانا عايش
مكسور بخاطري
طول عمري الدنيا هداني
ألمين على وشي وخداني
بعيد عن أهلي وناسي
وحاسس إني وحداني
من كتر جراحي ويأسي
ساعات بنسى نفسي
وبحس إني واحد تاني
قلوب الناس اتملت قسوة
وبقت الحياة نزوة
وشيطان فينا متحكم
مبقاش فيه خلاص إخوة
ولا اصحاب ولا عزوة
وذنوب عماله تتراكم
في وقت الشدة
هتلاقي مين جانبك
ومين النهارده
قلبه على قلبك
أقرب حد ليك باعك
وفرح في أوجاعك
صدق كلام عنك
من غير حتى ما يعاتبك
وشوش الخلق مش باينه
والدنيا كلها خاينة
الكل اتخلى عنك
حتى إل كان منك
أقرب ما ليك معبيلك
وبيجهز ويحفرلك
ولو غلط مفيش حد
هيسامح ويغفرلك
الناس دلوقتى بتتحول
مابين اللحظة والتانية
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.