بالمختصر.....للشاعر القدير عمار يزبك

 💞💞

              بالمختصر.....

سبحان ربي، خالق بوجها صور

بشفافها كاسات من خمر اختمر

بعيونها بتغيب شمسِك يا دني

وبوجّها منشوف نورك يا قمر

سيفين فوق عيونها ومزينة /ي

بين الرمش والرمش ترحال وسفر

خوابي شهد ومكحلة ومولدنة /ي

نيال يل من عينها بنظرة ظَفَر

وخدودها سكبة ورد وملونة /ي

كنو الورد عَ خدها روحو عَصَر

وجبينها قلعة كبيرة محصَّنة /ي

شعراتها تبر ودهب فيها انصهر

شِ مضفَْرَة، شِ مسنّبَلة، شِ مدلعنة /ي

من عطرها النسمات بتودي خبر

عضِت علىٰ الشفة،، ببسمة زعرنة /ي

بيَّن بياض التلج مرسوم بحذر

حام النحل ع شفافها تَ يغتني

يقطف شهد من ريقها،، بالمختصر

الله خلقها....... غير كل الكاينة /ي

سر وجمال الكون بِ رسما اختصر،،،،،

بقلمي وفيض من النبض،،،،

                                     ..... عمَّار يزبك.