ملكة الإحساس
كلمات .......... أيمن البكري
مين بس قالك
إني هبعد خلاص
طيب هو أنا بعدك
هلاقي في الدنيا ناس
مفيش غيرك في قلبي
وهتفضلي معايا وجانبي
قولي لقلبك
إنت عمرك ما هنت
يا أطيب وأرق بنت
لو نسيت نفسى مهنسهاش
يا ملكة الإحساس
داه أنا أسيب حياتي ودنيتي
ولا يوم أسيبك
داه إنت عمري وفرحتي
وأنا هفضل حبيبك
بدعي كل يوم ياضحكتي
أكون من نصيبك
ومهما تحاولي تبعدي
قلبك هيجيبك
وحياة كل كلمة وكل لحظة بينا
من ساعة ما أول مرة اتقابلنا
أنا عمري ما حبيت غيرك إنت
وعمري ما قلت لغيرك كلمة حبيبتي
داه أنا ألف الكون وأدور
وأهد علشانك ألف سور
وأجيبلك قلبي دايب
في هوى أغلى الحبايب
يا قمر غير حياتي
وملاها أمل ونور
ولا عمري يا عمري هقدر
يوم على البعاد
ولو بعدت إنت
هعيش أيام حداد
داه كل يوم بيعدي
شوقى وحبى ذاد
ياوطني إل بعده
بحس بغربتي
قلبي من غيرك لوحده
يا حياتي ودنيتي
مهما ببعد صورتك
مبتفارقش عيني
معايا معايا فى كل البلاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.