سيب عينيا حلمها
يسكن عينيك
سيب إيديا تحسها
لمسه إيديك
سيب جفوني تحرسك
سيب رموشي ترسمك
سيب شفايفي توصفك
أرجوك حبيبي
خد كل حاجة مني ليك
علشان أحس إن ليا
أنا حق فيك
نفسي أخدك
أخدك وأطير في السما
ويبقى حبك
حبك وقلبك ليا أنا
أحلم معاهم ربما
تشوف عيوني شمسها
ونور قمرها ونجمها
ولا غيري يبقى ليك
أرجوك حبيبي
سيبني أحس إن ليا
أنا حق فيك
بين إيديك
أنا عايشة أجمل سنين حياتي
وفي عينيك
بيسطر الشوق ذكرياتي
مع كل همسة وكل لمسة
بحس إني عايشة كأني
ملكة زماني
بسمع وأشوف كل الحروف
منك أغاني
وأنا بين إيديك
وفي حضن عينيك
بقولك حبيبي
سيبني أحس إن ليا
أنا حق فيك
عادل النمرسى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.