وبعدين يا قلبي
كلمات / أيمن البكرى
وبعدين يا قلبي
لحد إمتى هنضحي
لناس ف جراحنا بتصحي
بنادي ب أعلى صوت عليهم
ودانهم ما بتسمعش
واترجينا كتير فيهم
قلوبهم مبترحمش
حبيبتك هي دى حبيبتك
أول ما شافتك
بتنهار قدامها
داست عليك واختارت أحلامها
وكانت اول واحدة
بتحط الملح على جرحك
وصاحبك كان عامل نفسه بيحبك
كان معاك بس وجنبك
علشان مصلحته
وسابك مع أول أزمة بتقابلك
إظهر وبان على حقيقتك
وناس كتير تانية
باعوك من أول ثانية
أول ما إديتلك ضهرها الدنيا
كلهم تخلوا عنك
بكرا تلف تاني وتدور
ويجي عليهم الدور
ماهي مش باقية لحد
ومسيرها ف يوم فانية
هما دول ال كانوا
محسوبين منك
زمان أنا إل إخترت
وعلى إيديكم اتكسرت
بس دلوقت أنا اتغيرت
همسحكم ب أستيكة
وهحط مكانكم مزيكا
كتير جرحتوني
وأنا ساكت ولا اتكلمت
خلاص فاق قلبي اللي كان
معاكم من المرار شارب
مركبكم غرقت لقيت قارب
كنتوا في حياتي تجارب
وأنا منها اتعلمت
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.