لما بعدتِ
كلمات.............
...... أيمن البكري
أنا الخاين وأنا الكداب
وأنا إل ظلمتك كتير ياما
وأنا إل لما قلت خلاص
فتحتلك ب إيدي الباب
وقلتلك مع ألف سلامة
كنت مستنية مني
أجري وأخدك في حضني
لقتيني أنا إل مستغني
مشيت وهي
كاتمة الحزن جواها
وأنا دلوقت ندمان
وبقلك آسف غلطان
ومستعد أتعاقب كمان وكمان
على كل لحظة بعد
أنا وإنت عشناها
لما جبت خلاص أخرك
وجفت دموع عينك
ودبلت شفايفك
وشفت ف عنيا كلام
بتقلك مش عايزينك
قررت البعد
ومع إن القرار كان صعب
لقيت قدامك حد
مش فارق معاه
حب سنين بيتهد
ولما بعدتِ
بعدك كتير قوي إتألمت
وشفت الويل ولا إتكلمت
وف كل لحظة كان نفسي
أجري عليك وأقولك
آسف أنا ندمت
بعدك تعبت كتير خالص
ومن غيرك كنت ناقص
وخدت الدرس وإتعلمت
وأديني فعلاً راجع
مليان أحزان ومواجع
جوايا آلام وجراح
مفيش غيرك يداويها
أنا وقلبي
بنقول إزاي هانت
دى لا باعت ولاخانت
دى واحدة كانت
شايلاني فى عنيها
دى لو رجعت لينا وسامحت
مش هنقبل ف يوم جرحك
هنكون ليها ضهر أمان
ومهما حصل أو كان
مش هنفرط أبداً فيها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.