أنا بحب أسمع قرأن كلمات أيمن البكري
قصيدة أنا بحب أسمع قرأن
كلمات أيمن البكري
أنا بحب أسمع قرأن
سورة يوسف بتطمني
إن الحق مسيروا يبان
وإن الظالم مهما إن طال ظلمه
لازم يوم تيجي نهايته
داه الدرس إل اتعلمناه
من قصة فرعون وهامان
أنا بحب أسمع قرأن
الكهف ويس والرحمن
بتعلم من صبر أيوب
وإيمان وبلاغة يعقوب
وحكمة ومواعظ لقمان
ورساله للي بيفتري علي الناس
عشان معاك مال أو جاه
مالك مهما يكون
هييجي إيه جنب قارون
كانت إيه نهايته لما إتجبر
إتعلم الدرس وإياك
علي خلق الله تتكبر
أنا بحب أسمع قرأن
منزل علي خير البشر
من الواحد الأحد الرحمن
حملوه من بعد صحابته
أبو بكر وعمر وعثمان
ملعون أبو إل يهينهم
مين يقدر ينكر أفضالهم
ربنا ف قرأنه ذكرهم
رضي الله عنهم
أنا بحب أسمع قرأن
وما دام ليك رب بيرزقك
ليه تبات قلقان
هو وحده إل بيحميك
يبقي متخافش
من أي مخلوق مهما إن كان
وإوعي تسمع ل أي جبان
يحاول يشكك ف دينك
وتسلمه ودانك وعينك
خلي صلاتك هي حياتك
وخلي تكالك علي الرحمن
……. أنا بحب أسمع قرأن
تعليقات
إرسال تعليق