أنا مش ملاك عمل مشترك كلمات……….. أيمن البكرى……إيمان محمود
أنا مش ملاك
عمل مشترك
كلمات………..
أيمن البكرى……إيمان محمود
🤵 بعد ما توعدي
كل شوية تبعدي
وتقوليلي خلاص هنساك
غلطت يمكن غلطتي
خليتك حياتي ودنيتي
ياخسارة حزني ودمعتي
بتقولي
مش هقدر أكمل معاك
قبل ما تحسبيلي أخطائي
كنت افتكري حبي ووفائي
ومين في الدنيا مببغلطش
وأنا مش ملاك
👸 فاكر إني فى بعدك كنت سعيدة
وفتحت بعدك صفحة جديدة
وقدرت بسهوله أنساك
ياما حسيت إني وحيدة
اخترت إني أبقى بعيدة
وحبك ليا كان حب امتلاك
🤵 أنا كنت دايماً مشتاقلك
وبحس إني محتاجلك
قسيتي عليا ليه قلبك
وبعتِ حب سنين
أنا مش جأي أعاتبك
ولا عايز أكون جنبك
شايفة جرحي مش ذنبك
وقلبي بسببك إنتِ حزين
👸 خليك بعيد أحسن ليا وليك
العتاب هيصحي جرح أنا نسيته
زمان كان قلبي شاريك
دلوقتي ندمان وبيقول ياريته
مابقتش أشوف حبي فى عنيك
وعمري بعدك الحب ما لقيته
🤵👸 مين فينا الغلطان
والمفروض يكون ندمان
كل واحد فينا
بيعتب على التاني
أنا وإنت كنا
بايعين أحلامنا وأمالنا
ونتيجة إهمالنا
أنا وإنت الجاني
تعليقات
إرسال تعليق