حسن الختام (جزل)
انا في الزين حائر،
اشوف شكله كيف دائر...
الوجه ضاوي، عامر ماشي خاوي،
صافي ما فيه تلاوي...
الانف شاد لقوام، حممر على الدوام،
واقف ميزان بالتمام...
لخديدات تفاحات، عليهما زوج خالات،
يعاينوا منك القبلات...
تعمر الاستمارة، تعطيك الاشارة،
كيف وليدات الحارة...
اما الدار ام البار، تبقى محتار،
تقول حشومه وعار، انا باغي الدار...
الزين يرجع يقول انا ديال المعقول،
اسمي الباتول بنت الاصول،
حبي نبغيه يطول...
انا حرمة و فتات,
صائنة عرضي من الآفات...
البار دمار، ما شي حسن الاختيار،
بنت المختار عشقتها باختصار...
درنا اليد في اليد، البار بقى تهدار،
تعاطنا العهد، حبنا له الاستمرار،
قالت يا عمر حبك نار،
يلزمه الحفلة و الاشهار،
قلت حاضر البي دون انتظار...
الأغاني في الليل و النهار،
الطعام الكرفيت و الهمار،
انا و هي الكافيار...
حسن الختام، الزين ابهار
مكانه الدار ما شي البار…
د.بلغيتي علوي مصطفى الحقوق محفوظه
26/08/2023
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.