الكلمه الحلوه بتفتح باب
والكلمه الوحشه تهد بيوت
الكلمه الحلوه دعاها مجاب
وبتحيي قلوب من عز الموت
بترد مسافر بعد ما غاب
وتخلي الفرح ف روحنا يفوت
الكلمه الحلوه لو همس هنسمعها
وكمان الاحلي بعلو الصوت
الكلمه الحلوه بترفع ناس
وتعلي مقامهم مش جبروت
الكلمه الحلوه تخلي صاحبها يبقي أمير
والكلمه الوحشه تجيبك أرض
وتلاقي الناس بتقول هلفوت
الكلمه الحلوه حروفها شباب
والكلمه الوحشه تخلي القلب يبقي عجوز
وتخلي المود مش مظبوط
الكلمه الحلوه لو اتقالت
هتخلي الدنيا تبقي ربيع
والرزق يزيد وهيحلي القوت
الكلمه الحلوه دي كنز كبير
أفضل من مال وذهب وياقوت
الكلمه الحلوه هترقص روحك من الفرحه
والقلب يغني ويكون مبسوط
الكلمه الحلوه لو تقدر قولها
ولو مش قادر امسك نفسك
أحسن مانقولك هس سكوت
☘️☘️☘️☘️☘️☘️☘️
بقلمي ياسر أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.