قصيدة بعنوان
(على كد؟؟؟؟؟!!)
على كد ماكنت
إنت عندي كل حياتي.
وكل الكون ال أنا
عايشه على كد مامنك
زعلان طهقان
زهقان وقرفان.
مع إن فيهم أمي وأختي
معلش وشيئ غصب
عني وهاقولها ملعونه
النسوان..........
على كد ماكنت
إنت عيني ال باشوف بيها.
على كد ماإني ما بدي أشوفك.
وكرهت الحب ال عشانك.
وكرهت القلب ال حاضني
وحاضن روووحي وساكن
بين ضلوعي وبيضخ دمه
بأوردتي وشراييني.
حتى لو حبك كان زرعي
وطرحي وكان سبب
لفرحي وإسعادي
على كد ماكنت إنت نهايتي
وبدايتي وفؤادي
على كد ماكنت إنت عيوني.
على كد ما كنت باشوف
نساء الدنيا في ملامحك.
وفي صفاتك
طيبه وحنان على كد ماكان
جمالهم بيخربط حبة
العقل ال في راسي.
بارضو بنعيش في حرمان.
بطلت تكون عندي في
قصايدي وأشعاري شيئ
في بيوت شعري أساسي.
كنت العنوان ال في شعري.
كنت في أحلامي أقوم وأصحى
كان طيفك دايما بيجي لي.
وأسمك بينور كراسي.
وقلمي بيزغطط من الفرحة
لما كان بيكتب في حروفك.
وكنت بحب تراب تمشي
عليه لو بس فجأة
يجي لي طيفك.
أو نظرة من عيني
تشوفك.........
ليه ديما بتعلق بإحبال دايبه.
وبفكر إنها هاتشيلني.
ليه بفرح بحاجات غايبة.
وأتفاجأ إنها مش مني.
ليه كل الأيام سودة
بتصدمني من غير مااتوقع.
وأستغرب وأتعجب
على ال كان مني.
بسكاكينه في لحمي
وبيقطع وكأني شبح
وما يعرفنيش أو شيء
على الهامش وما فيش.
أو لوحة محطوطة
على حيطته أو ريشه
من وسط الريش.
على كد ماحبك حولني.
من صخر لعجينه طريه.
سهل تتشكل وتلين.
فعلا ملعون ال يفكر
فيه حب بيجي بالتخمين.
الحب في ظروفنا دا ممنوع.
ممنوع مع فقر وإيد محتاجه.
وشقيانه وتعبانه
وغرقانه في هم وذل
وكسرة نفس ومجبوره
ديما لركوع.
مين بعد شيبتك وكسرة ضهرك
قال لك مالك وأفتكر
إنك كنت في يوم شايله.
شيلته وخد عمرك كله.
ولما جيت مرة تحاسبه.
عد على أصابعه ليك
كل جمايله.
آه على الدنيا الخوانه.
وعشان يرضى عليك.
لازم يتنافقه يا تروح
تجري له وبسرعةيتحايله.
معقول حياتك وعمرك
في ثانيه تيجي على فشوش.
معقول تتخيل تتصور
دعاوي أمك ليك.
كان تكفير لذنوبك
وجروح لسه مخفوش.
معقول في ناس لسه
كل آهاتك وأنينك
لسه مسمعوش.
معقول وجاي
تكدب نفسك.
طول عمرك تتكلم
وتناهد على الفاضي
وبارضو مابردوش.
على كد .........
27/9/2023
(ترنيمات وخواطر.بقلم...........)
(شاعرالعاميه /خيرى حسنى .)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.