(أغنية من كلماتي
تيشور الروح)
ماأجملك يا جبال ضيعتنا
بقعة أرض عالحب جمعتنا
أم الدني نبض القلب تيشور
فيها اخلقت وبصرت منها النور
عشت العمر ع محبتا مفطور
ع الحب والإيمان ربتنا
حاراتها الحلوة وبيوت الطين
زيتونها كروم العنب والتين
غابة صنوبرها اللي ببلحنين
مقامات أسيادي السلاطين
هني ع وجه الأرض بركتنا
وسهولها الخضرا مع الوديان
نعنع البري النرجس النعسان
وحقول ليمونا مع الرمان
ال بيقصدا طول العمر ظفران
بيت الكرم والجود ضيعتنا
المسيل مع شرشار أبو مشهور
وادي الشرقي الخصب مع الضهور
وروائح الريحان والبخور
والشيخ غريب بيشع منه النور
يارب تحسن فيه نقلتنا
وادي الغربي الجرف والغارة
الحاموش والزيرة والكسارة
الناغوص بيت صافي الدوارة
حارة جدودي قاصد مزارا
انشالله ع إيدو تكون رفعتنا
وجنود الله لأرضها حراس
وترابها بيتقدس وينباس
شيخ التقية محمد البراس
والشيخ عيسى بوسطها نبراس
هني عند الله شفاعتنا
سيدي الشيخ ضاحي الشيخ سلامة
والشيخ علي بحر العلم طامي
وتشريفة الأمير ابن مكزون
هيي منارة لكل اهل الكون
منها وقدنا ضوء شمعتنا
عين السماقة والمراطيس
وتشريفة الشيخ أحمد بقرفيص
والشيخ بدر... المشرف بعدري
مؤمن تقي فيه انشرح صدري
نور الهدى لدروب عتمتنا
ماأجملك ياجبال ضيعتنا
بقعة أرض عالخير جمعتنا
كل الدني نبض القلب تيشور
ع محبة الأوطان ربتنا
بقلمي
عادل شاهين حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.