الشكوى بخبيها
................
شكوتي لوعتي بقلبي بخبيها
لحد يشعر بيها ويسمعها
دمعتي بمقلتي بالرمش اداريها
ليظهر الأسى فيها ويبان وجعها
بشفتي راسم بسمتي ضحكتي اعليها للعذال اسمعها
اسهر ليل السهاد والألام العين دمعها عالخد سارحة
ويا الويل ابات مع الأوهام
القلب عليل وشجر الأحزان طرحه
لو الفرحة تزورني فالأحلام
والعين يجف دمعها وتنام
عن اللوام اداريها اخبيها
أشكي لوعتي لمين ومين هيسمعني
لو يسمعني بأيه هينفعني هيشيل عني شوية مالهموم
ولا يلوم عليا ويوجعني
فدنيتي ماشفتش يوم حنيه
بقاسي لوعتي ودمعتي فعنيا
النار تحرق مهجتي ماحد حس بيا
مايمسح دمعتي غير ايديا
جوه عنيا مداريها مخبيها
ياليل سمعك بتشتكي للنجوم
بتعاتب مين وعلى مين تلوم
حبيب باعك قريب بخداعك صاب جرحك
ياليل بصارحك لسري كن كتوم
لتبوح وانت بتنوح للقمر والنجوم
شكوتي بصدري بين الضلوع حابسها
لتئن وتلوع الدموع حايشها
الشكوى جوه قلبي ناقشها
ماحد يعلم بيها ويفتشها
عن الناس مداريها مخبيها
.......
بقلم.الشاعر
الأمير_محمود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.