الكتاب
الحياة اللي إنت فيها
كتاب وانكتب عليك
قبل ماتشوف الدنيا
نورها نور عينيك
كل شيء مكتوب
واترسم
قبل ماتبدأ في الحياة
مكتوب هاتفرح ولا تزعل
وإمتى هاتمسك إيديك
القلم
والسعادة اللي هاتمر
بيها بعد مايزول الألم
ليه نزعل من قال
علينا كلام من عدم
أو نزعل من اللي خان
عهده
والقلب منه اتصدم
ما كل شيء انكنب
بالكتاب قبل
ما ندب فى الحياة
وكنا في وقتها في
عدم
ما اللي جه ب وده
علينا
جه دورة في الكتاب
ولما مشي وغار علينا
خلص دورة واتعدم
حتى لو في يوم
اتنسينا كل شيء
مكتوب واتقفل
يبقى كل اللي يمر
بالحياة
برضانا لازم يتقبل
كل اللي احنا فيه
اللي فات واللي
جاي مكتوب جوة
الكتاب
Ahmed gadallah
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.