صرخة...د.نجوى محمد زين الدين
صرخه
محبوسه جوا قلبي
كل يوم بتعذبنى أكتر
كل لحظه وجعها بيكبر
لازم خلاص تخرج
وتكسر جدار الصمت وتظهر
هتطلع بألم الجراح ووجع السنين
وهقول كفايه صبر كفايه تعب كفايه مر
صرخه
كتماها غصب عني
متحملاها وساكته
وأقول لنفسي معلشي
كل حاجه بتتغير
وأكيد بكره أفضل وهيعوضني
بس بكره بيجي أسوأ
واللى فاضل بينكسر
والجرح بيزيد أكتر
والدموع بتكتر
صرخه
كل حاجه بينا بتبعد
والمسافه بينا بتكبر
والحب فى القلب بيحتضر
وكل حاجه حلوه بتهرب
حتى البسمه بتموت
والنهايه بتقرب
صرخه
لازم هاتطلع
معتش قادره اتحملها
والقلب بجد تعب
حتى الأمل اختفى
ومعدشى فيه إحترام للعشره
كل حاجه انكسرت واتحطمت
وصعب ترجع زى ماكانت
صرخه
خلاص الزهره ماتت
من كتر الوجع
والمشاعر ادمرت
من الإهانة والاهمال
والعمر قرب ينتهى
د.نجوى محمد زين الدين
تعليقات
إرسال تعليق