(( كراميش )) ...عماد ادريس
(( كراميش ))
عندك جماعة دراويش
تطلب من الله السترة
كل يوم بيوموا بتعيش
ترضى من الخبز كسرة
الفقير وابن الشاويش
رح ينزل نفس الحفرة
اللي نايم ع مخدة ريش
حلو يصحى من السكرة
يحكوا عليهم طراطيش
بالثرثرة عندن خبرة
حبر ع ورق خرابيش
دخلك لاشو هالكبرة
لو ضحكوا عليهم معليش
الغني هوي سيد الحضرة
ع عيونهم صار تغبيش
هاهيي كل الفكرة
كل رلمة عامل شاويش
يعيب الناس بفقرا
قاعد يتفرج ع كراميش
و ما يطلع عالفقير بنظرة
لا تلوموني مو تجشيش
بدي توصل هالعبرة
ربك بيرزق الدرويش
ما بيقطع دودة بالصخرة
عملوا للفقير تهميش
و كأنوا أداة نكرة
فوق الهم حكي وتلطيش
يا حرام شو عليه العثرة
الفقير عايش تدفيش
برحمة الله والقدرة
من خيرك بروا معليش
البحصة بتسند الجرة
غني ولئيم متل كديش
عامل عزيمة وسهرة
جاروا عاللقمة يدور تنبيش
يا قلبي ع أولادوا الحسرة
عماد إدريس
تعليقات
إرسال تعليق