((ربك يعدلها))شعر نور الدين محمد أحمد
((ربك يعدلها))
طعم الوجع مر
يارب شيل عنا
ومين غيرك يارب
عليه يصبرنا
تم الوجع أنواع
وكل وجع له باع
أخد كتير منا
ولما فاض الكيل منفعش فيه الصاع
وخوفنا نقول الحقيقة
قولنا الوجع ضاع
رغم أنه معاشرنا
وأول وجع كان لنا العيشة وأحوالها
قولوا مين السبب
غير كدا حالها
عملوها ولاد الذوات
وابن الفقير شالها
والخيبة لما تفوح ماسترها يوم شالها
والبنت لما تبور
عشان نعيش الدور
ننسى اللي منه السبب
ويشيل الملام خالها
الفقر مش عيب
لو العدل متساوي
لكنه كل العيب
فيه ناس طافحة المرار
وناس مش على بالها
الظلم عندها كيف
والحق مغزول زيف
والعدل شايل سيف
قال للحقيقة انطقي
خافت ليقتلها
يبقى السكوت أفضل
وطعم المرار نشربه
وربك. يعدلها
نور الدين محمد (نبيل)
٢٦/٨/٢٠٢٤
تعليقات
إرسال تعليق