لا تربط الجرباء حول صحيحة...زهير العسكري

 (لا تربط الجرباء حول صحيحة خوفاً على تلك الصحيحة تجرب) 

وكتبت بقلمي المتواضع باللهجة العراقية العامية هذه القصيدة المتواضعه.

لا تربـط الــجَّــربــاء ويَّــه الــصَّـحيـحه 

خاف الصحيحه ابداي من عدها تجرَبْ 

واســمـع بـعد يـا صـاح هاي الـنَّصيحه 

إِحـذر قـريـن الــسُّـــوء لا منَّــه تـگـرَبْ 

لـن بيـه اذيَّــه اعليــك شبـه النَّـطيـحه 

متـحرمَه بِالْــقرآن و ( المـائدة ) اقـرَبْ (١)

أقــراهـا وافـهـم زيـن كـلِّـش صـريـحه 

واقـرى انـته كل تفـسيــر للنَزِّلَـه الــرَّب 

مــا خلَّـى ربَّــك بيـهْ ولْــكـل شـريــحه 

كـل الْـبشر منصـوح مـنْ نَهـلـه يشـرَبْ 

والْـيتِّـعض ربحــان جنـتـه الْــفسيـحه 

عكْـسِ الْـمُعَــانـد نــار مـا منـهـا مهـرَبْ 

يا ربـي انـه اترجـاك عينـي او شبيـحه 

إِلْـــرحـمـتـك مــولاي خـلِّـينــي أَگــرَبْ 

وافْـصِح لسـاني اعلـوم كـلَّش فَصيحه 

حتى اعرف المو زين من عنده واهرَبْ 

بعد الـسَّـماء والْـگاع مـا اشم لَـه رِيحه

خـاف انعدي او بعديـن هـمِّـينه أجـرب 

وزن الْـقصد معروف باسمي الشَّـريحه 

بالـدارمي او مبصـوم باصمـهَـا هَـذرَبْ

زهير العسكري 

هامش

١ سورة المائدة الآيه ٣