في ذكرى وفاه أمي ...عبد المنعم مرعى
في ذكرى وفاه أمي
......................
أنا
جبت صورة أمي
من ع الحيطة
نزلتها
ومسكت فيها أوي
وحضنتها
من البرواز اللي فيه
طلعتها
من . عيني. وغصبن
عني نزلت دمعه مني
فوق خدها
الصورة.. فكرتني
بأيام زمان لما كنت
بمشي معاها وجنبي
ضلها
أمي
اللي يامة شلتني
من علي الأرض شيل
فوق كتفها
خوفا علي لتعطر
واقع يحصلي حاجة
تخلي دموعها زي السيل
تنزل من عينها فوق
خدها
أصل تعبي وحده
بس هو اللي يكسر
فرحها
أمي
حياتي ماشفت حنان
بالدنيا زي حنان
قلبها
تفرح لفرحي واحس
بيها
لما تكون مبسوطة
تعيش سنها
وأنا كاني ملكت السماء
وبايدي طولتها
فرحان عشان بتضحك
وبان سنها
أمي
يامه شربت عذاب المُر
في كاسات الهموم
وحدها
وعلينا كانت تداري
عذابها ليلاتي
وتبان بضحكتها الصافية
اللي من القلب طالعة
كانوا يشوفها القرايب
يحسدوها
ويقول مابتكبرش
عشان الضحكة عمرها
مافرقت يوم
وشها
بقلم عبد المنعم مرعي
تعليقات
إرسال تعليق