عايش وحداني // بقلم الشاعر: حليم محمود أبوالعيلة
" عايش وحدانى "
مش فاكر عايش من
إمته
مولود من زمان وناسى
مليش صحاب فى حياتى
غير دراعى وفاسى
أصحى من نومى متلخبط
وعمرى عايش فى مأسى
حضنانى الهموم وبكيفها
ومفصلالى أتواب ومقاسى
سجنانى جواها وأسرانى
مسيطرة على قلبى وحواسى
حدفانى بين حجرين رحايا
بعلن وياها إفلاسى
هما الغلابة كدا
مركبهم مهوش راسى
بفطر فطار عكننة
ومفيش حبيب بيواسى
بتغدا فكر وقلق
وعشايا وجع راسى
غرقان أنا ومخدتى ف دموع
مشهد بيكرر وأساسى
ليلى من غيرقمر
عمره ما كان وناسى
طول عمرى عايش وحيد
فين أهلى وفين ناسى
فى ليلى أحلم أتغير
أصبح أكون ناسى
عايش وحدانى ومطيع
وشعورى زى إحساسى
كلماتى:
الشاعر: حليم محمود أبوالعيلة
تعليقات
إرسال تعليق