نصيحة // بقلم أ. نور الدين محمد
((نصيحة))
قولي أخرة ظلمك ايه
كل همك فى الجنيه
تجمع فيه من غير حلال
دايس فى طريق الضلال
والحلال قافل عليه
كل همك في الفلوس
م الحرام مالي الكروش
واما تصحى م الكابوس
كل دا عتندم عليه
ياما ألفت حكاوي
كنت مبدع كنت راوي
كنت أستاذ فى الرشاوي
فى القبور راح تعمل ايه
فين ميراثها بنت أبوك
ليه ظلمت ولاد أخوك
شياطينك ليه غووك
حق ربك ليه نافيه
كل همك فى الكراسي
مش فارقة معاك المعاصي
أفكرك لو كنت ناسي
اللي ناكر ظلمه السفيه
قوم ياعار شد حيلك
صلي ركعتين بليلك
واجتهد سدد فى دينك
ولك نبي صلي عليه
قلم
نور الدين محمد (نبيل)
٢٩/١/٢٠٢٥
تعليقات
إرسال تعليق