قلة الأصل...حليم محمود أبوالعيلة
"قلة الأصل"
العمر فيه كم ساعة؟
عقرب ثواني بيجري
وبتعدي بسرعة الساعة
نكذب ونصدق الكذبه
وتمثيلنا أخر براعة
سنين معاصي وذنوب
مفيش ولا ساعة طاعة
عايمين ف بحور معاصي
ونعلق غلطنا على شماعة
الكل بنتش ويجري
لا شطارة ولا شجاعة
ناسيين سنة نبينا
ومستنظرين الشفاعة
عباد بتاكل وتشرب
بلاده وأخر نطاعة
محمد رمضان ومهرجانات
أفعالهم أخر فظاعة
تقليد أعمىٰ ووضيع
رقص وأخر مياعة
أنوثة باينة ف طباعهم
مياصة وأخر خلاعة
واخدين ف السفاهة أوسكار
بايعين دينهم بياعة
وشوش مفيهاش رجولة
حقيقة ومش إشاعة
خلصت وقلت اللي عندي
أيه رأيكم يا جماعة؟
كلماتي:
الشاعر: حليم محمود أبوالعيلة
مصر
تعليقات
إرسال تعليق