فرحتي الجاية...الشاعر: حليم محمود أبوالعيلة
فرحتي الجاية
اشرب قهوتك واتمنىٰ
واسترخي ونام شوية
احلم باللي مش ممكن
وافرح وغنيله أغنية
قُربك دا حِلم ليا
ولقاك أحلىٰ أُمنية
فجأة تلاقيك ف حضني
وحضني ملاغية
تشعلل جوايا الغرام
وادفع قلبي لك دية
يحرسك ويسحر لك
ويطبق الوردية
يعشق رضاب الشفايف
دا خلية عسل جبلية
وتعيش جوه قلبي
وأرضعك حنية
انت حياتي ودنيتي
وأيامي وفرحتي الجاية
كلماتي:
الشاعر: حليم محمود أبوالعيلة
تعليقات
إرسال تعليق