مش من هنا بقلميُ/ خالد جمال
مش من هنا
باين عليها من دنيا تانية
مش من هنا
ده جمال عنيها ياخدك في ثانية
ويلف بيك مليون سنة
دي طيّبة
دمعة عنيها قُريِّبة
دي ملاك يا ناس وحنيّنة
لمسة ايديها
تاخدك لدنيا فرح وهنا
ورموش عنيها
عنك تحوش حزن وضنا
همسه سكوتها
يسمعها قلبي لحن وغنا
وإن غنى صوتها
بدوب يا ناس عشق ومنى
دي بدر عالي وبكل غالي متزينة
عقلك يغيب وماتلقاهوش
لو بس فكّت شعرها
وهتلقى مين عنك يحوش
لو شفته ساب على ضهرها
دي طيف برئ وف كل شئ متمكنة
وإن جيت أقول على أحلى عود
يعجز لساني ويضيع أوام مني الكلام
دي قوامها ناي والخصر عود
فرقة موسيقى وبتعزف يا ناس أنغام
عامله هليله محلاها ليلة مين قدنا
كل الكلام مهما يزيد
ما هييجي حاجه في سحرها
لو مش هانام وأقول واعيد
ما يكفّي نقطة ف بحرها
ده يدوب يكمّل فيها أصغر عينة
مش من هنا
بقلميُ/ خالد جمال ٢٨/٨/٢٠٢٥
تعليقات
إرسال تعليق