عصفورتي...الشاعر: حليم محمود أبو العيلة
عصفورتي
عصفورتي بالنسبالي حياة
نفسي أجرب وأعيشها
وف عينيها بشوف أحلى قطة
أموت يا ناس وأنكشها
ونطير سوا ونرجع مشتاقين
شوق الطيور لأعشاشها
واحلم واعيش معاها يومين
افرح يا قلبي وياها ونعنشها
وارسم لها ف حياتي حياة
وأشبع من خفتها وبكشها
وان زعلِتْ مني ف يوم
أموت وأصالحها وأفرفشها
وأبنيلها عش ف العالي
ونسهر ليالينا وانغنشها
وعشان متسبنيش وتطير
تملي أقصص لها ف ريشها
كلماتي:
الشاعر: حليم محمود أبو العيلة
مصر
تعليقات
إرسال تعليق