* كلام تيت *..م.حمدي توفيق

 * كلام تيت *

************

عَض الإيد اللي ... إتمَدتله

وعَامل نَفسه بينا ... عَبيط

عَايش دُور المسكين .. جِداً

وأتاريه فعلاً شَخص حَويط

اللي إتمسكن ومَاشي مِطاطي

بِشويش جِداً جَنب الحِيط

ولَمَا إتمكن ..... بَقا فَرَعون

وصَدع رَاسنا ..  بِكلام تيت

 إحنا بِجد خُلّقنا ...... ضَاق

وِحِيلنا إِتهد ... من التنّطِيط

عُمرنا ضَاع وإحنا .... بِندي

نُصح وحُب لكّل ... أحبَابنَا 

ومجلناش منهم   رد بسيط

ولِسه مَازال نَهر .... عطاءنا

كَاش مِش آجِل .. أو تَقسِيط

جايز  يعرف  .... اللي آذانا

إننا ملناش في ... التخبيط

وإن الدوغري بيفضل دوغري

ولا بيطبل ولا بيهلل ولا

بيزيط  ...... مهما زادت 

الدنيا  قساوة أو .. توريط

يفضل قلبنا الأبيض أبيض 

وسر الخلطة هو ... الحُب

ومهيش فارقة في التوقيت

ربي يزيد في قلوبنا محبة

وفي شُكُره عدم ... التفريط

.....

بقلمي 

م. حمدي توفيق