(((( نار الأسعار )))) بقلم/ ربيع الغريب
(((( نار الأسعار ))))
بقلمى/ ربيع الغريب
.........................
غلوا علينا الأسعار
غلوها وخلوها نار
ويا عينى علينا يا غلابه
العيشه عذاب ومرار
دنيتنا صبحت غابه
بنعانى في ليل ونهار
غلوا علينا الأسعار
.........................
العين يا ناس بصيره
وما باليد --- حيله
هنجيب منين قولولنا
غليتوا العيشه علينا
ناوين ....... تموتونا
ولا هتعملوا إيه فينا
حرام بقى ... إرحمونا
مابقاش حاجه بإيدينا
والعين يا ناس بصيره
وما باليد --- حيله
..........................
حرام والله ... حرام
خليتوا حياتنا مرار
هنلاحق بس منين
والفقر في كل دار
غلوا علينا الأسعار
غلوها وخلوها نار
.........................
الرحمه يا خلق شويه
فين راحت الإنسانيه
على إيه إحنا هنلاحق
عالكهربا .... ولا الميه
ولا مصاريف مدارس
ولا دروس خصوصيه
ولا مواصلات وملابس
وإحتياجتنا .. اليوميه
كل الأسعار .. إرتفعت
بطريقه حقيقى جنونيه
واللى كان تمنه بعشره
أصبح دلوقتى ... بميه
الرحمه يا خلق شويه
...........................
بنعانى في ليل ونهار
والعيشه عذاب ومرار
أنبوبة الغاز --- بكام
والبنزين ... والسولار
كله يا ناس في الطالع
إلا الفقير --- الغلبان
حقه مسلوب وضايع
ورخيص في كل مكان
والله دا يبقى .. حرام
الفقر --- في كل دار
غلوا علينا -- الأسعار
غلوها -- وخلوها نار
...............................
كلمات/ ربيع الغريب
............................
تعليقات
إرسال تعليق