من بين ألوف...الشاعر: حليم محمود أبو العيلة
من بين ألوف
عُمـري بحـبهـا وكـاتم ف قلبـي
وعايش سنين عجاف مكسوف
لمحت عنـيهـا تشبه فنـار ونور
والشـمس اتخنقـت م الكسوف
والضلمـة استلفت نور جبينها
بعد انتحار القمر في الخسوف
هيا الجمال والرقة والحب كله
وسحـر الـدلال من بيـن ألـوف
نايات الدنياتغير من ضحكتها
ونـوىٰ قلبـي حواليهـا يطـوف
ورد الجنـايـن ينـكسـف منهـا
وف حضرتها الزهور ضيوف
حسنها وخفتها ريشة ف هوا
رنةغوايشها ف حركة كفوف
مشيتها ف أي مكـان تسحره
ونظرتها تـنـور سكة المكفوف
رضابهـا شربة مية ف صحرا
وطلتها تأسر أسود ف كهوف
الجمـال كله من غيرهـا عِيرَة
وأغـاني شعبيـة بدون دفوف
لمسةإيديهـا تدفي برد الشتا
وحضنهـا ف أحلامي مألوف
خدودهـا نـار تحـرق جيوش
ورموشها قتالة بدون سيوف
أمانةياشِعرلوبوست شفايفها
وصيهاتحن عليااعمل معروف
كمان قول لهاهيا حياتي كلها
وف غيابهاقلبي عليهاملهوف
بكرةتضحك دُنيتي وترقص
ويزهرخريفي وتِحلىٰ الظروف
كلماتي
الشاعر: حليم محمود أبو العيلة
مصر
تعليقات
إرسال تعليق