ب حلم للبلياتشو!؟وليد عوض إبراهيم حسانين
ب حلم
للبلياتشو!؟
ب حلم أرجع تاني صغير
روحي ملامحي لوني القمحي
حتى الماضي أسيبه مخير
ب حلم أرجع تاني صغير
ارمي الورث كده ورا ضهري
أنسى سالف عهدي و قهري
أنسى إني عشت مسير.
دنيا و دين للشيخ مختار
كوديا و زار في الدير و الدار
متغطي ومعايا شعار
قال يعني حامي الأسرار
____ ______ _____ (_1_)
ب الذمة مش أنا فشّار
و نديمي كاسه مكار
و القطة تضحك ع الفار
و تقوله ب كفاية هزار
و النملة تحضن صرصار
محتاجة شنبه منشار
و الفيل ساكن برميل
و مطلع ب إيديه منديل
ب يلوح فينك يا نهار !!
بين الجنة و بين النار
دنيا غريبة من الأفكار
على آدم إنه يختار !!!!
______ _____ ______(_2_)
و أنا عايش مش فاهم حاجة
عامل فيها يعني خواجة
ح تمايص واشتري تلاجة
ب فريزر وبدرج سذاجة
يمكن يطلع حظي ملاك
يعفيني عن اي هلاك!!!!
حول بوصلة عمرك تاني
اوعى تعيش العمر اناني
عاشق ليه تبقى أنت الجاني
ترجع تاني تعيش و حداني
لازم اعيد من تاني الفكرة
لازم أصيغ افكاري ب حكمة
حتى امبارح ح خده لبكرة
و ابني بيت من زهر حناني
_____ ______ ____(_3_)
جينا الأرض كُلنا خوف
حتى عيونا مش ب تشوف
كنا حروف ب تنادي حروف
كان الذنب مش معروف
دلوقتي كلنا مكشوف
و مفيش ياخوانا كسوف!!!!!
حزر فزر بعد ده كله
تطلع مين إنتي يا حوا
وانت يا آدم رايحين فين !؟
ليه متلخبط ليه بتشخبط
ليه بتكسر كل جميل
هو الحق أصبح باطل
و لا الظلم صار له عينين
بين الحق و بين الباطل
تذكرتين تشتري مين !؟
______ _____ _____(_4_)
من ديواااااااني
أحضان مغرمه
شعر
عامي
للبلياتشو
وليد حسانين
5/1/2017
القاهرة مصر
/وليد عوض إبراهيم حسانين/
تعليقات
إرسال تعليق