رحيل الشمس.. 🖊️ شعبان محمد بدر
رحيل الشمس
الشمس اللي ضحكتها
كانت ماليانا دفا وحنان
قفلت شفايفها ع أسنانها
والنور دلوقتي مبيعديش
الوجع الساكن ف ضلوعها
كان يكفي العيلة وحيرانها
الصبر انا شفته ف عيونها
وسمعته ف آهة ما وصلتنيش
حيطان البيت بتتشقق
صابها العجز والوحدة
بقت باردة وكارهانا
وحتى العشرة ناسياها
وبقت جاحدة
ودان البيت بقت مش سامعه خطاوينا
لكن فضلت علي الرحيل شاهدة
بقلمي 🖊️
شعبان محمد بدر
تعليقات
إرسال تعليق