اتعودت على غيابك...حنان حلمي
🌸 اتعودت على غيابك 🌸
حقك علي ما تزعلش
ليه كده قاسي وعنيد
ليه علي ما حنيتش
فاكر روحك شديد
فرطت فيا ما صنتش
جرحتني جرح كبير
سبتني في ليل طويل
دموع من عيني بتسيل
كمان طلعت وهم مرير
مستني أقول واترجاك
حقك علي ما تزعلش
مش ممكن هقول تاني
حتى لو كنت بتترجاني
ازعل كمان وكمان
بعد جرحك مالكش أمان
ماعدش في قلبي مكان
للي يخون ده كان زمان
وحياة حبي اللي كان
وحياة قلبي اللي لك مال
مش هرجع تاني أحن
ولا هسمح أبدًا لقلبي
يتوجع ويشكي ويئن
حقك علي ما تزعلش
اعترفت خلاص بفشلي
وفقت أكيد من وهمك
اتعودت على غيابك
اتعودت على سكاتي
على ألمي وجراحي
جرحك علمني الوفا
وعلمني اختار المنى
بقلمي: حنان حلمي
🌹🌹🌹
تعليقات
إرسال تعليق