آذار الهدّار """أبو عامر خزنا
آذار الهدّار
""""""""""""""
آذار أمطارو وفرة بغزارة
بتعطي الأرض ثمرة ثمارة
يخضرّ العود اليابس ع أمّو
وفلّاح ناطر موسمو يشنّ غارة
فلّاح جبينو يلمع عرق
بالبرد بالشتي تيابو غرق
بسكّة فلاحة لا أرضو حرق
بسواعد مفتولة كلها حرارة
لقمة ينالها بعرق الجبين
حلال زلال من عين اليقين
ما يهاب لا إعصار لا تنّين
علم هامتو مرفوعة بجدارة
يزهر المرج أخضر بالزهور
بتقشعو من جانب تحوّم طيور
وصبايا تميل ع ميلة غرور
بحسن أخلاق وحسن الطهارة
لبستي يا أرض من أجمل زهو
الخالق والسما عطاكي البهو
بإرادة ربّ بتكوّن صور
يا بشر حبّو بعض ولا تكونو بحيارة
🖊️أبوعامرخزنا
٣٠ / ٣ / ٢٠٢٦
تعليقات
إرسال تعليق