الحرف...أبو عامر خزنا
الحرف
""""""""""
بكتب حرف بجنب الحرف
تيصيروا الأحرف كلمة
بسطّرها بكتابي صف
من الكلمة بكوّن جملة
موسوعة بحطّا عالرّف
صفحاتا تنوّر ظلمة
يجني النّحل منها وشف
بقفيرو يبني خملة
ما بخلّي أقلامي تجف
هاد البيحقق حلمي
بإيدييّ عالرقبة بلف
ع راسا بحط الشملة
لكي شعوري ما بيخف
صوبك أفكاري سلمي
لمّا يقرع كف ودف
صداه بيعمل غملة
لو حال العشاق يدوم
علينا بيشنّو حملة
خملة : النسيج
الشملة : الرداء
غملة : التغطية والستر
🖊️أبوعامرخزنا
٢٧ / ٣ / ٢٠٢٦
تعليقات
إرسال تعليق