أغنية (الدنيا لُعبةٌ)سليم محمد غضبان

 أغنية (الدنيا لُعبةٌ)

الدنيا لُعبةٌ كبيرة

بحر كبير أو مسْبح

في ناس بتعوم بسهولة

وفي ناس ما بتعرف تسبح.

تعلّم يا بني آدم

واحفظْ قواعِد اللُعبة

سافر واغترب وافهم

وخلّي كتابك في الجُعبة

إسمع لمين تصادِف

و غربِل الكلام بحريّة

واحفظْ ولا تكون خايف

وخلّي هِمتك قوية

إنسان كُنت وبتبقى

بضعفك وقوّتك أحلى

تقَبّل هزائم صغيرة

وحتشوف الحياة بتحلى

إن ضاقت عليك، إسبحْ

والعبْ وغيّر المسبح

إن كانت اللّعبة نظيفة

صَحّة ع قلب اللي بيربح.

سليم محمدغضبان

10/11/2025

* كتبت هذه الأغنية لتُغنّى باللهجة المحكيّة.